Napakahalaga ng pagkain sa buhay ng isang tao. Marami ang nagugutom at namamatay na lamang dahil sa kaslatan sa pagkain. Higit sa lahat ay napakahalaga sa mga mag-aaral ang may laman ang kanilang mga sikmura bago pumasok sa paaralan upang maging handa sa mga gawain sa paaralan. Ngunit nakakalungkot mang isipin ay mayroon pa ring mga mag-aaral ang pumapasok sa paaralan na walang laman ang kanilang sikmura sa kadahilanan na walang makain sa kanilang tahanan. Kaya't sa simpleng proyektong ito ang POWER LUGAW ay nakapagbigay ng saya at galak sa damdamin ng bawat bata sapgkat napunan ang kanilang kumakalam na sikmura. Dahil dito ay nakapgdulot ng sigla sa pagpasok araw araw ang mga bata.